Dekho Aik Laash Pari Hy Lahu Main Lithri
Khaak Aaluda Bikhri Bikhri Ghair Ya Apna
Kon Hy Jany Aao Dekhain Aur Pehchanain
Naksh Mita Daly Goli Nay
Rangat Khoon Main Doob Gai Hay
Jaib Tatolo Kia Rakha Hay
Ye To Khoon Say Tarr Gajray Hain
Das Das Kay Do Not Rakhay Hain
Haath Jo Neechay Daba Hua Hay
Is Ki Sakht Girift Main Kia Hay
Shayad Hay School Ka Basta
Or Ye Ik Parcha Bhi Hay
Khat Hay Shayad Tooti Phooti Si Urdu Main
Rangeen Pencil Kay Rangoon Say
Likha Hua HAy
Aaj Jo Bhoolay Basta Mera
Katti Ho Jay Gi Aap Say
Toffee Aur Biscuit Bhi Lana
Pyaray Abu Jaldi Aana!"
WE HATE TERRORISM
Comments (0)
Post a Comment